《踩過界》聽日又播喇，劇情繼續都係蔣家旻被許家傑禁錮性虐，呢個故事篇幅都幾長吓，而且最令人O嘴係，此單元故事嘅重點，唔係蔣家旻，而係許家傑同單立文嘅變態父子情，亦令許家傑走火入魔，將自己一直以來所承受嘅，轉嫁到蔣家旻身上……
由於呢套劇係大陸同無綫合拍，大陸有份科水，仲有優先播映權，《踩過界》Season 1嘅14集已經出晒喇，咁朱千雪幾時出場呢？
咪就係Season 2囉。咁Season 2幾時出？據知係本月下旬。
朱千雪飾演嘅戴天恩，就係變態老竇單立文個女、許家傑個妹，亦係盲俠王浩信女友。咦咦，如果你記得林志華監製嘅《EU超時任務》，應該記得，上述同一個卡士，喺《EU》已經出現過。
朱千雪個角色係眼科醫生，第15集先出。朱千雪想做眼科醫生，就係想令王浩信重見光明。不過預告片中見到張振朗向朱千雪開槍，之後仲成為階下囚，王官李佳芯去獄中探望，令人擔心……
預告中仲有一幕，係盲俠王浩信認屍，戴上墨鏡嘅盲俠，看不出表情，但難掩悲傷…鏡頭一轉癲姐蔡思貝劈完友之後受傷要坐輪椅，遭人伸腳踢落地，然後再嚟一個Shot係頭上仲纏住紗布嘅癲姐，緊緊擁著盲俠，雙雙遭生葬。
雖然成條預告都好dark，但都有啲鹽花，負責灑嘅係裁判官李佳芯。經常踩過界嘅王官，同王浩信同張振朗都有床戲，而佢同張振朗嗰part，李佳芯都話比佢想像中激。
王官李佳芯…同張振朗嘅床戲，連佢自己都話比想像中更激。 (影片截圖)
張振朗你發達啦！(影片截圖)
呢場應該係另一場情慾戲，唔知對手是否又係張振朗？(影片截圖)
演出投入(影片截圖)
王官都好鍾意王浩信飾演嘅盲俠，兩人都有床戲。 (影片截圖)
拍呢場咁浪漫嘅戲時，適置天寒地凍，有苦自知。(影片截圖)
出現了！《EU超時任務》組合！(影片截圖)
朱千雪係為富不仁嘅單立文個女。(影片截圖)
張振朗擘槍指向朱千雪(影片截圖)
呢個…會唔會係千雪？(影片截圖)
張振朗入獄(影片截圖)
單立文用錢掟王浩信 呢個年代，仲有人咁做0架？(影片截圖)
盲俠話：「我想醫好對眼，可以再見番你。」(影片截圖)
單立文又嚟料(影片截圖)
虐打法官咁大膽？(影片截圖)
師爺蔡思貝一個打十個(影片截圖)
真係豁出去 (影片截圖)
鏡頭一轉…(影片截圖)
逢親劇情要交代公義無法彰顯，無綫都會揀喺呢度取景。(影片截圖)
盲俠係睇唔到嘢，但唔代表唔可以報仇(影片截圖)
癲姐攬實盲俠同遭活埋(影片截圖)
現實世界，其實係比失明人士嘅世界更黑暗。(影片截圖)
文章来源: Rojaklah
Like 玩嘢兄弟团 Facebook！带大家玩翻全马high翻天～❤ （请点我）
Like Viralcham Facebook！不出门也能知天下事～～（请点我）