必看

【陈豪没演TVB新戏?!】上次の宣传片只有3秒镜头,这一次连影都见唔到!该不会他没演了吧?⊙_⊙

  • 9453
  • 15473

《使徒行者2》宣傳片陳豪被失蹤 視帝酸溜溜:盡了自己責任就夠 !
TVB《同盟》播到9月中就結局,緊接嘅《使徒行者2》都幾令人期待,有三哥苗僑偉又有陳豪同埋Benz雄等強勁陣容;但係喺最新嘅宣傳片入面,竟然唔見咗演大反派嘅陳豪,陳豪電話回覆時就話:「up to them!」唔得閒理喇!
黃翠如都有大頭,喺另一個宣傳片MV佢同周柏豪仲擔正添。

《使徒行者2》依然有卓Sir苗僑偉同歡喜哥許紹雄,但因為上一輯嘅林峯、佘詩曼都已經離巢,所以新加入咗陳豪演大反派、仲有張兆輝、周柏豪、黃翠如、宣萱等。

今次其實係《使徒行者》嘅前傳,陳豪唔單只係大奸角,飾演陳豪女友嘅宣萱仲會移情別戀鍾意咗三哥苗僑偉,剩係呢段恩怨情仇都有排講,陳豪嘅戲份當然拍得住苗僑偉。
喺Big Big Channel最新宣傳片中,苗僑偉出場次數最多,陳豪則冇影。
連鄧梓峰都有幾句對白,陳豪呢?

之但係喺最新嘅宣傳片入面,陳豪竟然冇咗影,喺35秒嘅預告中幾乎出現所有重要角色,三哥好多大頭同對白,袁偉豪槍戰、黃翠如喪喊、張兆輝下車、許紹雄揸槍、周柏豪被打、宣萱受傷,洪永城扮型、連巴斯光年鄧梓峰都有幾句對白,但偏偏就唔見陳豪喎!


今年3月嘅第一段宣傳片仍然有陳豪,但係幾乎睇唔到樣。

而呢段宣傳片集中圍繞住三哥同周柏豪嘅主線,TVB嘅偏心程度非常明顯。

就算睇番今年3月嘅搶先預告片,陳豪亦只係出現咗3秒,一個鏡頭係打交幾乎連樣都睇唔到,另一個鏡頭係陳豪坐喺酒店房望窗,大wide shot兼側面又係睇唔到樣,第三個鏡頭又係打交,第四個鏡頭終於大頭見到陳豪撥頭髮,4個鏡頭3秒就完咗,唔通陳豪真係淪為閒角? 陳豪喺對上一個宣傳片只係出現咗3秒。

就致電陳豪,佢話工作緊好忙但都講咗幾句:「比較忙冇睇(新預告)呀!(你完全冇出現)因為我反派卦!冇嘢嘅我做演員嘅,盡咗自己責任就夠。」但問到會唔會怕俾三哥搶鏡,陳豪就有啲酸熘熘:「Up to them(隨得佢哋)啦,我好放心交俾佢哋。」就隨即收線。

《使徒行者2》最新宣傳片:


對於自己喺預告片被失蹤,陳豪酸熘熘答:「Up to them啦!」

 

文章来源:娱乐新闻网


Like 玩嘢兄弟团 Facebook!带大家玩翻全马high翻天~❤ > 请点我

Like Viralcham 面子书不出门也能知天下事 > 请点我

Comments

comments