據香港媒體東方新地報導，香港地潮人代表 陳冠希 (Edison) 去年與內地超模秦舒培拍拖，斥巨資在美國買豪宅築愛巢，更有傳秦舒培已經生咗個女，Edison已經做緊爸爸！雖然近年好少機會見到Edison，不過內地其實有位名人同Edison有九成相似，一樣咁潮咁靚仔，不過… 佢係女仔嚟！佢叫皇甫聖華！
陳冠希 已做爸爸？
Edison去年高調與內地超模秦舒培拍拖，去年八月斥資285萬美元(約2,200萬港元)， 喺美國洛杉磯買下一個五房連泳池的豪宅，作為與女友的愛巢。今年3月，有消息指秦舒培16年中已經懷孕，今年4月時盛傳佢已經誕下女兒，不過Edison一直未有正面回應。雖然Edison近年已甚少亮相，不過大家可以睇住另一位「女版陳冠希」先！
「女版 陳冠希 」皇甫聖華
擁有一個香港較少見的複姓皇甫，名聖華，英文名叫Sam。皇甫聖華1989年10月生於上海，現年27歲，身高170cm。早年就讀於北京現代音樂學院，除了在網絡上甚有名氣，城中大大小小Pub都有佢蹤影。
皇甫聖華有着同Edison一樣的迷人外表，實在好容易令人誤會… 其實佢係女仔嚟㗎！身為女兒身卻有着「型男」軀殼，令皇甫聖華在網絡爆紅，佢早年更高調簽約經理人公司，以「女版陳冠希」之名進軍娛樂圈！
皇甫聖華現時微博有接近140萬人關注，人氣火爆！
壞孩子的感覺
皇甫聖華外表俊朗，束型格短髮，同Edison一樣帶點壞孩子的感覺，尤其一雙自信滿滿的大眼睛最為相似，見到佢有唔少相片都只露出眼睛，真係搞到好亂啊！
同為潮人
單單樣貌似Edison係唔足夠的！皇甫聖華曾為時尚潮人雜誌《Milk》達人代表，出席各大潮流品牌活動，亦擁有自家品牌「SAMMY」，潮流觸覺絕對唔可以小看！見到佢上載滿身潮牌的相片，真係好有Edison的影子……
来源：东方新地
Like 玩嘢兄弟团 Facebook！带大家玩翻全马high翻天～❤
Like Viralcham 面子书不出门也能知天下事 > 请点我