➨摇滚天团One Republic 4月25日大马High爆开唱!立即点我购票~

➨ 大马温馨电影《天使曾经来过》4月5日让你哭到没有声音!★ 观看影片请点我!

2000年播映的剧集《寻秦记》,简直係一代人的回忆,由一众主角古天乐、宣萱、林峯、郭羡妮,到首主题曲「天命最高」样样都係经典,亦都係古天乐心目中的最爱。

到古生做老闆开电影公司天下一,上年已讲明买定版权会开拍个电影版,直至今年《影视博览》又有进一步消息,宣布已落实开拍,将由原班人马古天乐、林峯及宣萱担任主角,并由新晋导演黎震龙执导。原班人马喎,听见就兴奋,咁除咗主角,一众配角又有冇份先?

最期待的画面终于出现,《寻秦记》电影版落实开拍,虽然今日曝光的先导海报,跟上年见街的依旧,但最吸引係今次宣布埋主角名单。早前《香港01》已留意古仔的经理人,已暗中签下林峯及宣萱的艺人合约,似要为《寻秦记》电影版集齐人脚做好准备。结果一如所料,今日向外公布的主角名单,便声称由原班人马古天乐、林峯及宣萱担任主角,真係一听回忆就返晒嚟。至于导演就係新晋的黎震龙,他曾在《杀破狼2》、《单身男女2》及《扫毒》担任副导演,经验丰富。据知电影最快会在今年底开拍,万事俱备,只欠档期。

➨摇滚天团One Republic 4月25日大马High爆开唱!立即点我购票~

➨ 大马温馨电影《天使曾经来过》4月5日让你哭到没有声音!★ 观看影片请点我!

三大主角都集齐,係咪就满足到一众「寻迷」的要求呢?当电影版消息一出,网民就针对「原班人马」呢个卖点,希望唔止三位主角齐脚,最好一众配角都齐齐整整登场。而众多配角中,你又最想边位可以出现呢?

琴清 郭羡妮饰


郭羡妮在剧中要一人分饰两角,不过现代版的秦青,出咗一集就冇下文,随后就由琴清身份现身,在秦代满足项少龙对女朋友的思念,最后更同宣萱饰演的乌廷芳两女共侍一夫,享齐人之福。其实要搵郭羡妮重演角色都唔难,不过须知道合拍片就係要预留一啲角色俾内地演员参与,要让出琴清一角都唔奇。

连晋/嫪毐 江华饰


一套剧点可以冇歹角,而《寻秦记》的最重要歹角就一定係由江华饰演的连晋,后来被逐出巨鹿候府,后来右手更被项少龙所废,要忍辱负重向左手神剑剑客嫪毐练左手剑法。最奸係,学成后索性将对方杀死,自己改名换姓成为嫪毐。呢个角色江华演得非常入血,嗰种不可一世及傲气,令佢折堕时更加好睇。不过作为电影版又好难叫番江华演,搵刘华又得唔得?横掂动静都一样。

陶总管 欧瑞伟饰


其实《寻秦记》中,有一个角色都非常重要,就係听命乌廷芳,经常跟项少龙一齐的陶总管。角色本来一脸正经,但每当项少龙讲出一啲现代说话时,佢会好认真咁学习嘅样,真係非常好有喜感。对于有冇机会原班人马上阵,《香港01》就致电欧瑞伟查问,KC表示未有收到通知︰「如果有份就最好啦,哈哈……我都想再做多次陶总管,呢个角色自己都好锺意,咁大嘅製作係演员都想啦!」希望古生听到呢番话,等陶总管都有机会杀入大银幕啦!

赵国公主赵倩 雪儿饰


雪儿跟古仔在《创世纪II》已经有合作,连带去到《寻秦记》饰演一对。二人原来有段美好姻缘,可以共偕连理,但就因为得知连晋计划杀害项少龙的秘密,而惨遭灭口。虽然雪儿早就退出影坛,但古天乐上年就主动搵番呢位老朋友出来,在《杀破狼 ‧ 贪狼》中亮相,即使戏份唔多,不过已经凡事都有可能,只要古生出句声,齐章话咁易。

图文转载自:HK01

Like Viralcham Facebook!不出门也能知天下事~~(请点我)

Like Viralcham Tv Facebook!带大家玩翻全马high翻天~❤ (请点我)