一個港男租直升機，拉Banner求婚，成場大龍鳳一使就使咗40萬，瞬間成為「港男公敵」。
想抄橋用直升機求婚但冇40萬？機會嚟啦！Uber將於8月8日中午12時至下午5時，香港推出UberCHOPPER服務，內容包括15分鐘直升機俯瞰港島同維港兩岸景色，至於飛行路線係固定嘅。另外，Uber Black會點對點，由你門口接你去半島酒店直升機停機坪。收費方面，唔使萬萬聲，每位只係1800元。
Uber為推廣服務，會揀選兩名UBER乘客，帶同一位朋友，免費用一次UberCHOPPER服務，坐一程直升機！
要成為幸運兒，首先要Follow Uber個instagram同Like佢個facebook page。然後坐一次Uber，並為你嘅旅程拍片或影相紀錄。最後於8月7日下午6時前，將作品上載，加tag。