《使徒行者》開拍電影版，少了爆Seed林峰，卻多了幾位影帝級的影帝，BUT沒想到宣傳片卻是如此hea爆…..

無綫劇集《使徒行者》穩奪2014年全年收視第一，TVB自然「乘勝追擊」，好快宣布拍電影版。電影版冇咗林峯飾演嘅「爆Seed」，得返「釘姐」佘詩曼，不過就換入更多重量級男演員好似張家輝、古天樂同吳鎮宇，好似幾有睇頭喎。

▲冇咗林峯，好彩仲有「釘姐」喺度！

而日前《使徒行者》嘅首發宣傳片流出，亦證明咗電影真係「好似」好有睇頭。「耗資億元」、「遠赴南美巴西取景」，仲有「驚險萬分嘅動作、火爆場面」，真係聽完介紹都知道套電影好有特色，夠晒賣點啦！

▲好似呢幕，出得嗰一秒都冇，唔仔細睇都唔知係張家輝同古仔。

喺宣傳片入面動作導演錢嘉樂頻頻出現，顯示出呢套戲真係有好多動作場面。至於難得搵嚟助陣嘅張家輝、古天樂等人，片段都係介紹一下就算，連特寫都冇多個，神秘感十足！雖然由TVB劇集改篇嘅電影通常唔收得，但睇完呢段宣傳片，真係好令人期待《使徒行者》會唔會打破「宿命」呀！

▲錢嘉樂出鏡最多，唔知真係以為佢主演。

▲電影版有鄭子誠，唔知今次有咩陰謀？

▲專登去巴西搵靚景，夠晒誠意喎！

▲由TVB劇集改篇嘅電影好似《十月初五的月光》同《Laughing Gor之潛罪犯》票房都麻麻。

到底怎樣？我們去片～

來源：Take it e時