昨晚无线《万千星辉颁奖典礼2015》圆满结束，各个奖项尘埃落定，不过就有大量网民插爆“最受欢迎电视男角色”及“最佳男主角”两个奖的颁奖环节！不过唔系讲紧赛果公正与否，而系闹爆担任颁奖嘉宾的田蕊妮！
话说阿田联同锺嘉欣及胡定欣上台颁发“最受欢迎电视男角色”及“最佳男主角”两奖，其实按照顺序上台的话应该系阿田同锺嘉欣在两旁，胡定欣则企中间，不过阿田一上台就已经霸住中间位，搞到嘉欣BB要兜一大个圈行去佢身边。
由于台上只得两枝咪，阿田就霸实枝咪只顾同胡定欣讲嘢，完全无视旁边的锺嘉欣，嘉欣BB要讲嘢的话就要夹硬贴住阿田膊头先得。
直头变咗做主持咁款。
几难得嘉欣BB先有机会讲嘢呀阴功！
之后阿田就开始上身，先系不停咁话自己“旺”其他男星。被问到点解冇提及黄秋生的时候，佢就话“我都冇同佢合作过！”话气劲轻蔑！
当胡定欣提及阿田都曾夺视后，佢就即时寸爆咁话︰“乜原来我攞过视后咩！我唔记得咗啦！”之后又话自己同胡定欣都攞过视后，明寸嘉欣BB未攞过！
好啦秋生哥都住奖准备讲嘢，阿田都仲系要霸住个咪！
黄秋生夺得视帝后讲得奖感言，不过阿田就喺后面不断搭咀，搞到秋生都忍唔住讲句︰“你系咪想讲嘢啫？”然后示意俾个位佢讲。
睇吓网民点讲！
