31歲鍾嘉欣入行多年,緋聞不多,五隻手指數得晒,乖乖女形象深入民心!不過,最近有傳嘉欣未婚先孕,更因此向TVB請假三個月,飛到加拿大秘密同圈外男友結婚!

image

嘉欣請假三個月,表面上到加拿大登台後休息,其實為婚禮做好準備!而嘉欣為免影響胎兒健康,表演時並冇太大動作,更不時摸吓肚仔,相中可見就算嘉欣穿鬆身白裙,亦難掩其凸肚有喜身形!

image

咪住先,鍾嘉欣係大台處女黨核心成員來喎,佢一向冰清玉潔,無可能會有婚前性行為! 傳聞仲話呢個經手人係圈外人,當初鍾嘉欣同伍允龍分手之後,飛去溫哥華療情傷,未幾就認識咗一個華籍男子,又指雙方感情發展一日千里,就連鍾嘉欣屋企人都話好,仲會搵埋「處女黨」其他成員就姊妹。

如果係真的話,就可以解釋到點解嘉欣連戲都冇幫手宣傳,睇怕都係忙緊婚事囉。

image

其實早前有傳嘉欣同伍允龍復合,不過伍允龍太花心,除跟Super Girls嘅Aka傳緋聞,拍劇時被指狂追劉佩玥,致令嘉欣徹底死心,狠撇對方!

image

来源:orientalsunday