去年袁嘉敏同37歲有米老外Kenneth拍拖八個幾月，今年5月初突爆嘉敏主動攤牌分手，皆因頂唔順男友管得太嚴，唔俾佢穿得太性感，令有意原本於今年書展出寫真嘅嘉敏飽受壓力，可能因為咁冇法兌現出寫真，故決絕斬纜！雖然甩拖後回復單身，但袁嘉敏今日於社交網站晒9張超激床照賣大包，噴血度爆燈！
先露少少引人入「性」
一開始，瞓喺床上嘅袁嘉敏先selfie眼仔碌碌相，雙眼好似放電咁，跟住晒少少波地，令大家開始轉移視線！
晒窒息34D大包
入戲肉喇，袁嘉敏着住吊帶黑色超低deep V衫晒34D大包，4吋事業線深不見底，加上佢又不斷撥弄秀髮，一副誘惑表情，隔住個芒除了感到窒息，更係叔叔不行了！
止渴之作
雖然袁嘉敏未有兌現今年書展出寫真承諾，不過佢呢輯自拍噴血賣大包床照，相信可以為fans止止渴！
