TVB新劇《純熟意外》，由吳啟華蔡思貝擔大旗，竟然意外地獲好評！
難得有套高質劇，點知最近一個單元竟然疑似「參考」韓劇《十級重案》和電影《意外》！兩個故事同樣講一對孖生姊妹花(由麥皓兒一人分飾兩角)，小時候被孤兒院收養，因為某啲原因調換身份；兩姊妹後來分別被唔同家庭收養，長大後生活截然不同。TVB版中，家姐性格純品，生活無憂，細妹則墮落淪為妓女，後來其中一個離奇被殺，警方懷疑細妹殺死家姐，希望取代對方過新生活……
而在《十級重案》中，又係講孖生姊妹細個曾經調轉身份，長大後一個沉淪，另一個則順風順水，重遇後其中一個更被殺！另一個巧合位，係「咁蹺」其中一個生Cancer，得返幾個月命……而TVB原來播過呢套韓劇，唔知《純熟意外》位編劇有冇純屬意外地睇過呢集呢？
兩套劇個設定真係好相似喎！
套劇講查案，但吳啟華飾演的網上古董拍賣公司老闆喬文傑，身份就極之神秘。上兩集突然穿越返古代變古裝人，又非常騎呢地有個管家，膠味濃到連網友都頂唔住，要去維基惡搞，話佢真正身份其實係Batman同不死人！咁不如續集搵埋鄭嘉穎整隊「不死人聯盟」啦！
第六集講到喬文傑遇上車禍，俾車撞到飛起，全身沾滿血跡，但佢死唔去之餘仲可以自己行返屋企養傷！
觀眾不停猜測，所以吳啟華本人就決定嚟一個大劇透！佢日前接受訪問時就話其實喬文傑呢個角色係一個由元朝活到現代，已經700多歲的不死人！啟華話原來古時公主李施樺俾咗長生不老藥佢食，所以一直活到現代，不過佢就只係有自癒能力，唔似得刑活著咁好打或者都敏俊咁樣有超能力。
另外，本劇的世界中很多「意外」實際上是人為，概念與2009年香港電影《意外》相似；本劇色角張達倫領導的神秘組織影射古天樂領導的暗殺組織，任賢齊與本劇女主角蔡思貝職業相似，前者為保險經紀；後者為保險意外調查員，兩者亦有查案頭腦及經歷。
嘖嘖嘖，順便送上《意外》的預告給大家看看～是不是真的純屬巧合先～