必看 17 Sep 2015 【唔陪王晶冇得翻生?】对话内容曝光！35D袁嘉敏『鸭王II』被OUT！ 作者: Viralcham编辑部 袁嘉敏（右）拍《鸭王》时扮大牌得罪监制王晶（左），《鸭王 2》顺理成章由“晶女郎”文凯玲（中）摄位补上。 真面目 大换血 得罪王晶冇得翻生 袁嘉敏被飞 奀星摄位 港姐出身的 30岁“大波 Candy”袁嘉敏，把口唔收周围辣火头，拍《豪情 3D》搞到同杜汶泽反晒面，今年初拍《鸭王》又要求多多，连同剧演员何浩文 Dominic及何佩瑜 Jeana都怕咗佢唔敢埋身。 人缘唔好，《鸭王》监制王晶索性将袁嘉敏飞出《鸭王 2》，改由两位晶女郎文凯玲及“ E Cup超莲”锺采羲补上。新戏继续卖肉玩鸡鸭恋，但两个女角唔使露 点，唔似袁嘉敏咁大牺牲。 得罪方丈，不过袁嘉敏依然寸嘴未惊过，话即使再揾佢都未必拍，“整到我上次咁就唔好” 据知袁嘉敏年初拍《鸭王》时诸多要求又扮大牌，辣㷫其他演员同一班工作人员，搞到监制王晶好不满，落 order永不录用。 袁嘉敏喺《鸭王》因露点而成为焦点，可惜因为态度差冇得留低。 WhatsApp覆唔恨拍 袁嘉敏以 WhatsApp回复本刊，暗寸同王晶合作唔愉快，根本唔恨接续集。 《鸭王》卖肉吸客，续集继续用姓感做卖点，电影公司招募茄喱啡讲明要揾大只仔和比坚尼美女。《苹果日报》图片 接登台够住豪宅 被飞出局、又俾人唱通街，照理好冇面，点知寸嘴 Candy又揾到个靓位落台，她以 WhatsApp回复《 FACE》，“无接过（《鸭王 2》），而且我个角色原本戏中已经被枪杀死咗！《鸭王》其实系为捧个男仔，我哋只系 side character！”仲讲到自己唔恨拍续集，“睇下几多片酬又睇下个造型啦，又要整到我上次咁就唔好” 其实多得《鸭王》带挈，袁今年接多咗大陆登台骚，快钱好易揾，住过铁皮屋的袁嘉敏，早前去睇山顶豪宅。唔使点做都有本事交 4万蚊租，区区一套《鸭王 2》算得咩先？ 虽然新戏被飞，但袁嘉敏现时靠北上登台赚唔少钱。《苹果日报》图片 财来自有方，袁嘉敏早前睇山顶豪宅，盛惠 4万几月租。图片 文章来源：hittt.blogspot.hk
