眼見好姊妹李蘊閃嫁，超蓮飛甩吳克羣後更加成為富二代（霍啟山、劉根森）你爭我奪的目標，性格唔衰得的G.E.M.更加不甘後人，主動出擊，最近終於溝掂個陀地闊少，秘密拍拖兩個月。
在剛過去的平安夜，G.E.M.唔返祖國唱歌賺錢，留港瘟仔。化行妝一副戰鬥格，著到紅噹噹會新歡，不過對方就全程戴住口罩，十分避忌。兩人先去開餐，跟住再去碌lane打保齡。
碌完波已經半夜一點，二人漫步銅鑼灣，而同行的一名朋友更幫眼睇水，留意是否有記者跟踪。行到去時代廣場，一行人企埋一邊傾偈，之後G.E.M.索性拉住男友，走入時代廣場走火通道防煙門內一個凹位，匿埋依泣談心，至於同行朋友就留守在外，繼續睇水，間中擰轉與二人搭訕幾句，傾了大約半個鐘，G.E.M.因為第二日要早機飛大陸，迫於無奈讓男友送她上的士離開。
平安夜阿Mark寧願陪G.E.M.都唔陪JW。同G.E.M.識咗十年嘅JW，聖誕節收到咁厚禮，真係好襯佢首歌《矛盾一生》。