人生同賭錢一樣，未到最後，都未知邊個先係贏家！
澳門賭業猛人周焯華(洗米華)上個月出席朋友生日飯局，期間洗米華深情攬實「洗米嫂」陳慧玲（Heidi）高唱《愛我別走》，仲當眾許下承諾：「我只得一個周太！」即場搞喊Heidi。
澳門賭業猛人周焯華﹝洗米華﹞繼續周旋於「洗米嫂」陳慧玲﹝Heidi﹞及Mandy Lieu之間，一時在倫敦陪Mandy待產，一時與Heidi合體。
繼上月出席友人生日飯局，洗米華深情攬實Heidi唱《愛我別走》，更大呼：「我只得一個周太！」後，昨早二人再合體，在機場送參加學校遊學團的大女周梓潼機。
Heidi一身summer look，以白色熱褲及白波鞋，襯來自哥倫比亞女設計師Johanna Ortiz同名品牌的藍色條紋單肩恤衫，露一手show show hand之外，更手抱幼女Damiana，及有洗米華與前妻所生的大仔周柏豪傍實，大騷家人對她的全力支持，向小三示威。
現場所見，戴住黑超嘅Heidi，著住露肩裇衫加熱褲，一臉神采飛揚，一路目送大女入閘時，不斷同工人抱住嘅細女講：「同家姐講bye bye啦！」
反觀一直跟喺Heidi身後嘅洗米華，當見到記者鏡頭時，即刻迴避調轉頭消失人群中。
送完大女機，Heidi就同細女行去機場富豪酒店方向。記者問佢係咪同洗米華已經復合？Heidi冇正面回答，只係笑一笑話：「周生頭先都喺度o架！」然後逕自行入酒店內！
唔知呢個係咪就係「勝利嘅笑容」呢呵！