據東方新地的報導，最近因為《張保仔》情深深走到現代冧掂黃娣妹而成功上位的洪永城(Tony)，昨晚與陳凱琳(Grace)、陳展鵬及傅嘉莉等到觀塘飯店邊吃飯邊欣賞《張保仔》大結局，兼慶祝日前於新加坡舉行的《星和無線電視大獎 2015》上，《張》劇奪得「我最愛TVB電視劇集」、陳展鵬奪「我最愛TVB男主角」，而Grace則奪「TVB最佳新人」及「性感魅力大獎」兩獎。
而當晚《星和》頒獎禮上，Tony同老拍檔黃翠如手拖手行紅地氈嘅相在網上瘋傳，獲網民激讚又sweet又登對！被問到會唔會擔心女友唐詩詠呷醋，Tony就話唔擔心，但就忽然話唔知翠如有冇後悔揀咗Edwin(蕭正楠)！咁Tony自己有冇後悔先？佢就突然正經mode示愛，話自己對翠如BB付出咗無限咁多嘅愛，好可惜佢最後都揀咗Edwin！
其實Tony同翠如BB合作多年，係一對公認合襯嘅螢幕情侶，好多人都希望佢哋有朝一日成為真正嘅情侶！可惜事與願違，佢哋依家各自都有另一半。有位高登討論區嘅巴打有感而發，將自己代入洪永城寫咗一篇感人肺腑嘅文章…..
可能睇完Tony同翠如BB張相後實在太感慨，呢位叫「melberry」嘅巴打就寫咗一篇潮文抒發情感，大致係話每個男人心中都有一個黃翠如，都有一個情同手足、但永遠都唔會喺埋一齊嘅女仔friend… 內容唔講咁多啦大家自己睇，小編去抹眼淚先…
全文如下︰
「我諗每個男人心裡面都有一個黃翠如
有D男人頭，有D亂黎，你同佢好Friend
會一齊食飯 一齊宵夜 一齊去旅行
但係永遠唔會撻著
你同佢好似總係有D莫名嘅共鳴
人地永遠會以為你地係一對
但你心裡面知道根本無可能
當朋友問到
你通常都答 「Hi 係有D好感 但係當佢係friend黎嫁咋」
但係問心
你係有小小鍾意佢
但你亦知道
佢係完全唔鍾意你
你地都好享受呢種感覺
一種好似男女朋友咁親密 但係完全無男女朋友責任嘅感覺
直到一日黃翠如同蕭正楠係埋一齊
你會發覺
「Hi原來我好鍾意黃翠如呢條八婆」
但係好可惜你已經失去左一百次同黃翠如一齊嘅機會
你只好係成班friend面前繼續同黃翠如扮好朋友
得閒串下佢 佢得閒 佢得閒又會串番下你
但係你兩個都知 其實有d野係唔同左
難得有一次工作上嘅機會
你可以再同黃翠如手拖手。。。
隔左一兩日
你睇番報紙
見到張相
你微笑
你流淚」