【串你唔起咩？】10句黃秋生金句，句句真的是抽到你盡呀！(内有影片)

今屆視帝獎項由黃秋生奪得，無人異議吧。記得每年金像獎頒獎典禮，萬眾期待必定是睇秋生哥的啜核金句，因為佢真的有嗰句講嗰句，怕串你唔起呀？

我諗住下個獎拎奧斯卡架嘛！

秋生對上一次拍電視劇，已經是11年前，所以視帝一獎，怎麼都要給他面子吧！（當然他的演技是無庸疑置！）
而當晚秋生奪獎，發表感謝辭時更是霸氣：「我諗住上次拎完金像獎，下個獎拎奧斯卡架嘛！」攞獎攞得如此得戚，是有型嘅！題外話，秋生好耐沒有紮man bun，又好睇喎！

我要真…係做司儀

做藝人，就代表不能講真話嗎？識睇金像獎一定睇黃秋生勁抽政治水。

我應承你，2017，700萬人一人一票…

近年香港的政治氣候，成為秋生抽水的好題材。

我乞食又有乜所謂

對於之前黃秋生批評陳凱琳的演技，有網民話：「如果個個新人都咁好，你班老嘢乞食啦！」，然後秋生妙答：「如果個個新人都係好，我乞食又有乜所謂！」

做戲企得直好容易，做人企得直好難

對於王晶表示要與幾位高調支持佔中的藝人，包括黃秋生絕交，他有以下回應：「晶哥，多謝你咁多年咁關照我，估唔到你仲有我電話添，連我取消咗十年嘅電郵都有，我真係好感動，我咁多年都冇你電話，好慚愧，喺最後嘅時刻，同你講聲對唔住，祝你一路順風！」之後補充多句：「做戲企得直好容易，做人企得直好難。」

有乜父母，有乜兒女

成龍曾在公開場合責罵因藏毒而被補的房祖名為「小王八蛋」，其後黃秋生在Facebook發表以下言論，表示其教導方法為過時兼傳統。

太監騎馬偈後語

如果要讚對方十分厲害，你可以話：「你真是太監騎馬！」點解？想像一下正常男人與太監騎馬的感覺有甚麼分別？

秋生哥親身教你：如何向電話騙徒說不

最近市面出現好多電話騙案，一不留神隨時錢財盡失。要避免墮入不法之徒的圈套？最好學秋生哥講句……唔講咁多，自己聽啦。

ONE DOG FACE，一狗樣

洪興大飛哥，紅到曾經拍過以其為主角的外傳《古惑仔激情篇洪興大飛哥》，於戲中最鍾意講英文：「Tell the dog，話狗知。」「One dog face，一狗樣。」還有大量金句：「你比人打傻咗呀？而家古惑仔呀，你估西部牛仔呀？隻揪？梗係圍毆啦！」

我砍你個仆＿做叉燒包！

不能錯過的黃秋生經典作，當然是《八仙飯店之人肉叉燒包》，當年他更因而奪得1993年度第13屆香港電影金像獎「最佳男主角」獎。

文章转自：新Monday