謝安琪BB首次處女劇集《殭》終於播出啦！第一集就性感透視裙谷收視，哎呀呀，真係睇到小編心心眼啊～
據Take it e時報導，昨晚無綫重頭劇《殭》正式首播，由首次拍劇嘅謝安琪（Kay）擔正。雖然只係第一集，但不乏看點，例如荷蘭嘅迷人靚景，但最令人眼前一亮嘅，當然係Kay BB嘅性感演出，簡直令一班宅男大叫：「嗚呀！」
賣萌扮天真
Kay喺劇集飾演一位爽朗傻氣嘅女法醫，每每遇到不爽嘅事，就會拎本「小器簿」出嚟，記低對方罪狀借機報復，但一直都係口硬心軟，唔會付諸實行。明明好想嬲但又嬲唔出，同時又要扮冇事，再配合角色設定加Kay BB個樣，成個cute樣出晒嚟啦！而且鏡頭經常捕捉住Kay嘅大頭，望落妝容係比較濃，但都不失一份純情嘅感覺。
▲Kay喺劇入面叫藍夢南。
▲網民見到Kay出場即讚好！
▲劇中Kay不時撒嬌。
▲一個笑容，足以俘虜千軍萬馬！
性感透視
故事講述謝安琪追賊，喺轉角時遇到踩緊單車嘅鄭嘉穎，對方更好心借自己架單車俾Kay追賊，但無奈論盡嘅Kay喺落車時，唔小心俾座椅勾爛咗條白色紗裙，狼狽至極，亦因為咁而露出修長美腿，仲疑似走光㖭！一班高登仔睇到呢一幕，點會唔心動呀？
▲劇情其實好老土亦好巧合。
▲網民最期待嘅畫面！
▲Kay條裙俾座椅勾爛。
▲唔知咁樣算唔算走光呢？
▲Kay將手忙腳亂兼尷尬嘅情況，展露出嚟。
▲Kay發現自己條裙爛咗，即刻遮住。
春心動
話明TVB劇，又點少得愛情線先？雖然只係第一集，未咁快講三角戀關係，不過Kay BB第一眼見到鄭嘉穎時明顯已經春心動，仲不時露出出心心眼，非常傾慕㖭。事關喺劇中，Kay BB扮演一位想搵另一伴但又經常mission fail嘅女人，無意間一次意外就撞到型男type嘅鄭嘉穎，對方仲要上演英雄救美，點會唔令Kay BB心動！？網民見到Kay BB呢個春心動樣，連自己都心心眼埋一份呀！
▲呢個樣融化晒一班宅男！
▲網民笑言，呢套係謝安琪外遊專輯。
▲謝安琪嘅身材係網民焦點。
▲其實現實已經39歲，有老態都係正常嘅。
▲Kay嘅演技有待磨練。
Kay BB咁落力演出，難怪網民都話成套劇嘅重點只有佢一個啦！之但係，又唔係一面倒好評嘅。有網民表示，Kay嘅演技麻麻，加上角色設定比較傻氣，又有啲天真，結果出嚟感覺似足蔡思貝。咁又公道啲講，呢套都係Kay嘅劇集處女作，係要啲磨練嘅，而且後期會講述Kay性情大變，話唔定有意外驚喜呢？
来源：take it e时