况天佑、马小玲、复生、求叔、黄珍珍、山本一夫、金正中、堂本真悟，都因为呢套戏成为咗家传户晓嘅名字，足足有十五年。亚视每一次重播呢部剧，都会吸引无数后生男女收睇。粤港澳、内地、台湾～好多视频网站，都可以收睇此剧，收视率亦十分之高。

呢套剧嘅名字叫做《我和殭尸有个约会》，系亚视嘅经典剧集。

翻到一九九七年，曾经有份制作嘅人话，「本剧梁立人先生带住剧本曾到无线推销，但无线一言拒绝。之后梁立人将故事带到亚视。但系，亚视嘅高层认为佢违反咗一般人对殭尸嘅认知，而男主角尹天照收到剧本后因疲累谂住辞演，面临开拍危机。」

好彩，喺洗志伟多次要求下，尹天照俾佢感动咗，冼志伟有一句：「你放心，只要你肯拍，就算我当埋条底裤，都要拍出嚟」，尹天照话：「你当底裤，咁我当条命俾你」，最后亦都落实开拍。

之后亚视又换咗高层，拍完呢部剧后，一直未能上映，直到徐小明重返亚视，马上播放，最后更获当时亚视老板赏识，完班人马开拍续集，人工再加几倍。

事至今日，好多人都无可避免咁为马小玲果42吋长腿神魂颠倒。呢套剧，令万绮雯登上演艺事业嘅高峰，更令尹天照喺亚视廿几年终于成名，同时间亦帮助咗杜文泽成为巨星。当然，加入任达华、谢君豪呢几位强大外援，令剧集锦上添花。

过咗十五年，重温此剧，又有另一番滋味，从技术层面，配角、特技、音乐，都可以见到当年亚视制作人嘅伟大，虽然至今，科技嘅进步觉得以前有啲马虎，但已系亚视嘅全台极限。

无论如何，《我和殭尸有个约会》饱满嘅故事，丰富嘅想像，台前幕后嘅配合，成就咗动人嘅剧集。

今日，无线拍「殭尸」呢个题材，迟咗二十年，先明白呢套剧嘅「好」。

因为无线根本就拍唔到呢种片咯！