歌手林峯將在月底於香港紅館舉行「HEART ATTACK LF LIVE IN HK」，所以連月來進行地獄式訓練，近日媒體採訪時，驚見他直頭下巴尖一尖呈V字，而且整個臉都凹進去，十足一個毒友啊！
峯峯話自己最重時約160磅，不過依家只得139磅，足足減咗20磅！佢話自己近十幾年都未試過咁輕，所以之前為演唱會準備的衫褲全部要換，就連底褲都唔啱着！真係心痛死一眾粉絲啦。
見到峯峯一對麒麟臂實在令人羨慕，女朋友吳千語有冇覺得「手感」好咗？峯峯就話要問對方先知，因為自己最近閉關，係放狗時大家先會見吓面。之後話鋒一轉就話其實父母好擔心，驚佢上台唔夠力表演，但峯峯話自己其實仲健康過以前！
最後佢又話起初操練時因為食量減少令血糖過低，真係會踎低起身見頭暈，好彩依家已經適應咗，有得食蕃薯都好開心！為食嘅佢已經決定演唱會結束後，就會同一大班工作人員打邊爐慶功，連地方都揀好埋！
太誇張啦！瘦到這樣看到都覺得陰功豬～
