據新地網報導，入行28年的藝人馬蹄露(本名梁穎顏)，靚樣身材久奉不過擅演丑角，巴辣騎呢搞笑通通難佢唔到，算係幾有觀眾緣。馬蹄露今年年底就49歲，將近半百之齡，近年卻忽然大解放！上年《萬千星輝頒獎典禮》佢有份角逐最佳女配角，於是罕有地以Deep V裙中門大開示人，令人眼前一亮，雖然唔及其他女星波濤洶湧，但一樣獲網友大讚！
其實馬蹄露都唔係未試過性感，睇番佢N年前都影過唔少靚相！
馬蹄露最近仲同幾位寫真攝影師、髮型師及化妝師合作，幾位專業人士替佢改頭換面，拍一輯激罕寫真！不過幾激都唔及馬蹄露的情路，原來佢情場相當得意，仲曾經食過美國大學教授……
馬蹄露原來同美籍意大利裔教授Mark有過一段情！對方曾經喺美國哈佛大學做做研究員，現時就係美國Stone Brook University的數學系教授，專教博士生。當年Mark嚟香港做訪學，經朋友介紹下認識馬蹄露，兩人隨即撻着。據知馬蹄露的樣貌喺老外眼中係標準美女，當時馬蹄露不時飛去美國會情郎，可惜異地戀難維繫，所以兩人拍拖一年就分手。
阿Mark個CV真係夠晒亮眼，剩係喺哈佛做過研究員已經夠威水啦！
馬蹄露接受訪問時承認Mark係佢前度，佢話同Mark分開後仲結識過另一個德國男友，不過對方拍拖不久就提出要生BB，佢自己又唔想，所以個幾月後又分手收場。馬蹄露keep住食好西，佢就話因為鍾意外國人夠高大，相處得又舒服，仲話雖然自己唔靚女，但都可以揀個靚仔男朋友！撐你呀！