【TVB《實習天使》10個爆笑穿崩位】亂來劇情快笑死人! 網友：有沒有搞錯啊,完全誤導人！

熱播劇《實習天使》內播放好多護士同醫生日常工作情況，更加有唔少醫療專業知識！不過，有網民包括現職醫護人員，直指該劇有唔少錯誤醫療知識或處理方法，而以下十個《實習天使》穿崩位，有啲就算係常人都一眼睇出係謬誤，去相！

穿崩一 手機查病歷？

呢幕香香跟同事探婆婆，期間香香同事用手機check婆婆病歷，有網民質疑：「點解一個護士學生可以用自己部電話access到病人資料嘅？」係咯，私隱又點會隨便俾人睇喎！

穿崩二 影病人？

病人唔聽話護士用手機影低佢，可能侵犯私隱，所以有網民說：「你咪呀你，俾人告到甩褲！」

穿崩三 隔離病房點隔離？

通常隔離病房是專為疾病病態是透過呼吸道傳染，為免於其他人受感染，所以一般會在內限制病人的活動，亦會有不少先進醫療設備，方便醫護人員專心救治！因此有網民抵死說：「係隔離間病房咁解！」

穿崩四 摸黑施救？

黑媽媽為病人進行施救，就連普羅大眾都知唔make sense啦！萬一撳錯地方或儀器，邊個負責先？

穿崩五 醫院可點煙？

本港醫院室內外都屬禁煙範圍，呢幕病人喺醫院門口點煙路祭父親，好似網民話齋，仲唔call保安？

穿崩位六 驗眼出錯？

據知，醫生為病人驗眼時，應係醫生左眼睇病人左眼，而右眼睇右眼，而且唔可以叫病人望向光源！

穿崩位七 無掩雞籠？

劇中姚子羚唔妥洪永城，咁點解姚去睇醫生時，後面位死神Ray(洪永城飾)唔係病人家屬，可以企喺度聽對方病歷呢？自出自入都冇人理？

穿崩位八 貼心送餐

病人食療通常由醫生界定又或由家人送飯，有醫護網民表示，通常病人想食其他嘢，都係由家人買，好少護士會幫病人買食物！

穿崩位九 亂駁喉？

有網民笑言呢幕個病人口中插住條喉可能係洗衣機膠水喉，hea到爆！現實係會用ETT(endotracheal tube氣管內管 )，為呼吸困難病人，進行急救！

真實ETT

穿崩位十 亂貼膠紙？

有醫護網民笑言用咗幾十年文具，一眼就認得出呢幕病人口上黐嘅只係普通3M透明膠紙，而現實中係會用3M Transpore嚟固定喉管！

资料来源：Shareba