好多时，大家睇嘢都净系会睇表面，讲起昆凌，好多都会觉得佢先23岁，年纪细、未定性，点做人老婆同妈咪；而徐濠萦就成日畀人话净系识使老公钱，咁事实又系咪咁呢？有网民就喺网上为佢哋嚟个大平反！
昆凌年纪细EQ高
昆凌由前黑涩会美眉转眼变成天王嫂，下嫁周杰伦（Jay）再极速诞下爱女Hathaway荣升人母，引起唔少Jay迷慨质疑同妒忌！日前昆凌产后首度上综艺节目做嘉宾，现身《天天向上》。节目一出，大批网民对昆凌慨感觉有180度改观，话佢喺节目上一直微笑，就算主持人慨笑话唔好笑又或者听唔明冷笑话都好，佢都一直面带微笑，劲sweet。网民就记得周杰伦讲过“没人会不喜欢她”，又好似真系㖞！
为咗唔想做一个无所事事慨周太，昆凌大住个肚都畀心机工作，佢仲揭秘二人婚后慨甜蜜生活，仲踢爆周杰伦先系“小公主”，又赞老公“最简单的事情反而是最浪漫”。1993年出生慨昆凌，用行动证明自己可以系一个好老婆兼好妈妈，畀当初唔睇好佢慨人都望到佢慨努力同成长！
徐濠萦讲多无谓 行动最实际
除咗台湾天王嫂昆凌，有网民话其实香港天王嫂徐濠萦都有自己“收服”老公陈奕迅慨一套！无论外界点样抨击佢“败家”钟意乱花钱，阿徐仍然理直气壮讲过：“Eason好宠我，我唔觉得使老公钱有咩问题。”讲中老婆们慨心声！
除徐同Eason 1996年就开始拍拖，不知不觉已经就嚟20年，喺2002年Eason台北开骚跌落台受伤，阿徐吓到狂喊，不顾一切搭货机飞去台湾，全心照顾Eason，仲喺Eason财政有困难时将私己钱都贡献。喺大家都以“A餐”嚟形容阿徐慨时候，其实根本就未了解佢为Eason付出慨一切。
网民有话儿
AmyXXXX：之前一直支持“双J恋”，依家睇到昆凌情商高又有智慧，靓女识讲嘢又温柔，我开始明白周杰伦拣佢慨原因，真系冇人会唔钟意佢。
姑娘XX：昆凌一定系上一辈拯救咗宇宙，一脸幸福话老公负责换片！佢愈来愈美，太美太优雅，同佢一齐生活应该身边慨人都会变到好温柔！
洋娃娃XXX：之前对昆凌唔了解，依家她感度倍增！年轻漂亮乖巧、身材好、家教好、性格好、声音好听，咁样慨女仔有边个会唔钟意？93年出世有老公有女儿仲一直努力奋斗，绝对系人生赢家！
张小明XX：徐濠萦对Eason真系真爱，话佢净系识使钱买嘢慨人根本唔了解佢系一个点慨女人。
其实天王嫂易做㗎咩？
网民仲话对昆凌慨感觉有180度改观！
周杰伦就讲过冇人会唔钟意昆凌，网民终于明白了！
阿徐好钟意跑步，Eason都喺歌曲《人生马拉松》MV暗地里同老婆示爱㗎！
今次佢产后首次上综艺节目，大谈老公周董！
唔知昆凌系唔系成日下厨慰老公呢？
至于另一天王嫂徐濠萦，成日畀人话佢乱使钱～
一家三口咁幸福，睇见都开心啦！仲讲咩A餐㖞！
又话周杰伦先系“小公主”。
活跃慨一面！
但阿徐喺背后默默咁支持Eason，依啲都系大家睇唔到慨。