【楊怡胡定欣結怨11年?】一拿視后即拒絕合作,反目原因竟然是因為爭吳卓羲?

台慶頒獎禮，其實同辦(扮)工室政治一樣，都係遊戲一場。所以羅家英戥愛妻汪明荃拎唔到視后感不值、於微博暗示係權鬥問題——自前無綫電視製作部戲劇製作總監梁家樹走後，其派系已樹搖葉落:「你明白的。」家英哥對阿姐講。似乎未明白的，是家英哥。

不過咁，只得兩套劇叫係做「女主角」(嚴格而言係第二女主角)嘅胡定欣捧走視后係咪好事呢？問得呢個問題，當然想講唔係好事，仲忽然拉埋楊怡落水喎。

今日有周刊報道指，胡定欣封視后之後，楊怡即時向公司傳話，話明唔想再同佢喺工作上有來往。咁嚴重？

歷史又回到2010年《萬千星輝頒獎典禮》，多得TVB捕捉到楊怡「疑似藐」身旁嘅胡定欣，唔單止同佢冇偈傾，神情仲有啲藐藐地，疑似爆咗句：「你話博咩呀？著到咁！」

至於今年…..

Friend翻喔～

手握手添～

真的是你啊～

位位影后….

不過咁，盛傳有離心嘅楊怡，之前回應傳媒問佢點睇自己得獎機會時，就話自己今年成績唔算突出，反而撐胡定欣有好大突破，想對方拎獎咁話喎。講真嗰句，早已有傳下年初約滿嘅楊怡，一心北上掘金，唔肯「加監」續約，所以依家都ok清閒……既然係咁，邊個拎視后對佢而言，其實都已經唔重要，咁又何來傳話唔想同胡定欣合作呢？所以，呢個傳聞，有啲伏。

其實胡定欣同楊怡一樣，都係先拎飛躍女藝員、再摘最佳女配角，然後躍升視后嘅「大滿貫贏家」，其演技亦明顯成熟不少，只係同主角欠了點緣。但講到緣，相信31歲嘅鍾嘉欣感受更深，一向乖乖女，又同公司續咗8年長約，做到39歲都繼續係無綫人——但今年視后，都係冇佢份。

報道話呢，公司班高層，唔係好like鍾嘉欣BB，真係除非佢拍到一部好爆嘅劇，咁先會考慮佢。8年長約，換來第一個失望，但都仲有8次機會嘅……好似係。 

资料来源：苹果日报、東方新地