【田蕊妮犯眾憎?】TVB颁奖典礼抢Mic明寸秋生兼欺负嘉欣BB….网民: 演技再好人品不好也没用！

昨晚無綫《萬千星輝頒獎典禮2015》圓滿結束，各個獎項塵埃落定，不過就有大量網民插爆「最受歡迎電視男角色」及「最佳男主角」兩個獎的頒獎環節！不過唔係講緊賽果公正與否，而係鬧爆擔任頒獎嘉賓的田蕊妮！

話說阿田聯同鍾嘉欣及胡定欣上台頒發「最受歡迎電視男角色」及「最佳男主角」兩獎，其實按照順序上台的話應該係阿田同鍾嘉欣在兩旁，胡定欣則企中間，不過阿田一上台就已經霸住中間位，搞到嘉欣BB要兜一大個圈行去佢身邊。

由於台上只得兩枝咪，阿田就霸實枝咪只顧同胡定欣講嘢，完全無視旁邊的鍾嘉欣，嘉欣BB要講嘢的話就要夾硬貼住阿田膊頭先得。

直頭變咗做主持咁款。

幾難得嘉欣BB先有機會講嘢呀陰功！

之後阿田就開始上身，先係不停咁話自己「旺」其他男星。被問到點解冇提及黃秋生的時候，佢就話「我都冇同佢合作過！」話氣勁輕蔑！

當胡定欣提及阿田都曾奪視后，佢就即時寸爆咁話︰「乜原來我攞過視后咩！我唔記得咗啦！」之後又話自己同胡定欣都攞過視后，明寸嘉欣BB未攞過！

好啦秋生哥都住獎準備講嘢，阿田都仲係要霸住個咪！

黃秋生奪得視帝後講得獎感言，不過阿田就喺後面不斷搭咀，搞到秋生都忍唔住講句︰「你係咪想講嘢啫？」然後示意俾個位佢講。

睇吓網民點講！

雖然阿田呢幾年的努力大家都有目共睹，不過「一朝得志，語無論次」的話，咁就幾好戲都無用啦！

文章转自：东方新地