時日太快無知的小孩一晚長大，有時候真係唔到你唔認老，那些年你坐喺電視機面前追劇，見到嘅小朋友，依家已經長大成人，仲一表人才㖭！最近Jacky仔接受媒體訪問，暢談日後嘅發展，佢話自己仲好熱愛幕前演出，想挑戰「小鮮肉」咁話！除咗Jacky仔之外，呢三位小演員你又知唔知係邊個呢？
Jacky仔 (王樹熹)
去迪士尼做足準備，玩得開心至醒得你。當你聽到呢個廣告，你有冇少少印象呢？昔日拍呢個廣告嘅Jacky仔(王樹熹)已經長大成人，依家18歲嘅佢，除咗身形之外，其他都冇咩點變，外貌輪廓同招牌露齒笑容仲喺到！長大後嘅佢，更希望投身返去演藝圈，繼續演藝事業。
▲長大咗嘅Jacky仔，招牌露齒笑容同細個一樣。
天光仔（王秉熹）
如果有Jacky仔，當然都有佢阿哥天光仔（王秉熹），佢可能冇細佬咁多曝光率，不過佢做過《隔世追兇》嘅天光仔，同《十兄弟》嘅大喊十都令人印象深刻。佢兩兄弟嘅感情咁好，如果一齊拍住上，可能有所作為。
▲哥哥王秉熹染咗一頭金髮，型喎！
莫生（莫凱謙）
無錯！就係嗰個《殘酷一叮》嘅