下個月就系巴西里約奧運開幕,TVB亦繼續獲得獨家播放權,過去日子已經鋪天蓋地咁宣傳,而其實過去日子TVB籍奧運盛事捧新人或者當家花旦小生,好似04年雅運就力捧由六位小生組成慨「奧運六星」,包括:林峯、馬國明、黎諾懿、黃宗澤、吳卓羲、陳鍵鋒。每逢奧運呢六星都會被人提起,事隔12年後,唔知佢哋各自發展成點呢?

tvbxiaoshixiaosheng1 tvbxiaoshixiaosheng2  

林峯

tvbxiaoshixiaosheng3

林峯可以話系「六星」入面發展最出眾慨一個。本身喺TVB極受重用,基本上三線劇集都有份,歌、影、視三方面都有一定慨成就,拎過金曲金獎、亞太區最受歡迎男歌手,就連紅館都已經開咗5次,最近一次系上兩個月慨事。而愛情方面亦同吳千語有穩定發展,加上林峯有家底,可以話系人生勝利組。

tvbxiaoshixiaosheng4

林峯5年4度開紅館破香港紀錄。亦可以話事業愛情都相當得意。

馬國明

tvbxiaoshixiaosheng5

有馬明BB之稱慨馬國明事業發展系六星之中唔錯慨一個,喺香港都有好高知名度,奈何咁多年嚟同視帝寶座無緣,系觀眾眼中慨無冕視帝,加上戇直性格深度觀眾喜愛,極有觀眾緣慨佢,已系新一代慨師奶殺手。

tvbxiaoshixiaosheng6

除咗系新一代師奶殺手,馬明慨天然呆亦相當煞食。

黎諾懿

tvbxiaoshixiaosheng7

黎諾懿慨事業發展一般,演出唔少,但深刻慨角色唔算多,直到2012年拍《愛回家》,憑住馬壯一角贏得大家歡心,亦成為佢演藝事業慨代表作,早兩年仲結埋婚,呢位最接近神慨男人,正值職業生涯最黃金慨時刻。

黃宗澤

tvbxiaoshixiaosheng8

 

黃宗澤同林峰均系歌、影、視三棲藝人,但成績方面就比林峰遜色得多,尤其唱歌方面,一首《最後祝福》令人「聽出耳油」,直到今更成為失傳慨「香港好聲音」,但喺影視方面都有唔錯成績,近年更轉移去內地,嚟緊有三部劇即將播映,仲系第一男主角添!

吳卓羲

tvbxiaoshixiaosheng9

曾經為力捧小生之一慨吳卓羲,喺TVB有唔少代表作,學警系列系其中之一,最近仲重播添。不過當年因為桃色風波而被TVB雪藏過一排,及後發展都唔錯慨,不過上年佢已經離開咗TVB,結束17年賓主關係,現時主攻內地拍劇搵人仔。

 

陳鍵鋒

tvbxiaoshixiaosheng10

本屬靚仔小生慨陳鍵鋒系六星之中,最早同TVB斷絕關係慨藝人。早喺6年前已經北上發展,成績都唔錯,套套劇都做男一,內地人氣高企慨佢,早排更榮登亞洲十大男神網絡票選第一名添!而家陳鍵鋒慨知名度喺內地仲高過香港咯。

 

     

来源:大榴莲网