據新地網報導，早前藝人方力申跟鄧麗欣(Stephy)呢對金童玉女宣布分手，結束十年情，唔少網民都覺得難以接受。而小方早前上電台節目時直認難忘與Stephy一段情，仲話自己多次夢見對方。所以小方呢日喺IG上載一張愁爆相後，網友都紛紛叫佢追番Stephy！ 而女主角Stephy今日出席電影開鏡儀式，提到小方對佢未忘情，呢一刻Stephy再難忍淚水！
Stephy表示啱啱由峇里回港，昨日喺朋友告知下都有睇到關於小方的新聞，佢話唔想再講兩人之間的事，希望呢段時間大家都可以丟淡，專注返自己的工作。講講吓Stephy雙眼通紅忍唔住喊，話︰「我其實自己睇到之後(心)都噏噏地。」
被問到會唔會心軟同小方復合，Stephy諗咗一陣之後話︰「我冇諗呢樣嘢，我哋之間最主要係溝通同timing問題。」至於將來如何，Stephy就話應該留俾佢哋兩人處理。咁到底係咪如小方所言，兩人之間已經冇咗愛？Stephy就重覆︰「其實溝通同timing好重要，愛都有好多層次，唔止愛情，仲有家人、朋友的愛，所以唔可以話冇愛。」