據東方新地報導，TVB劇《殭》播出初期，觀眾評價好壞參半，不過隨劇情愈來愈緊湊，劇集愈來愈多人追看，而劇中人物亦為觀眾所喜愛！除咗又善良又有好身材的殭屍藍夢南(謝安琪飾)，鄭嘉穎飾演的刑活著亦相當突出！
刑活著在劇中係一名不死人，殺殭屍時毫不手軟，但平時則一副嬉皮笑臉，為觀眾帶來唔少歡樂。早前仲講述回到古代嘅刑活著食陳凱琳炮製的「木桶炸雞」，即刻令人想大叫一句︰「Call我吖！」
重點係… 同元華撞晒樣！
不過最重要都係，嘉穎喺拍呢部劇時，同年輕22載的陳凱琳撻着，展開一段震驚娛圈的父女戀！
重返無綫有着落
其實鄭嘉穎是當歌手出道，2001年重返無綫後，演出劇集多不勝數，咩造型都有，多個角色都令觀眾印象深刻，總有一個係你至愛！
鄭嘉穎可塑性甚高，且角色且古且今。
其實想當年嘉穎都係個青靚白淨小生，較現時的黝黑皮膚相差相遠，而且一臉稚氣。雖然現時下巴比以前尖，面部肌膚無鬆弛之餘仲愈來愈緊緻，不過整體樣貌分別不大。對此嘉穎話自己後生嘅時候baby fat未除，仲出動證人︰「好在有同年出道嘅馬浚偉做證人，我嗰時喺台灣有錢都用晒去食飯同交租。」證明佢當年真係冇執過！
歌手出道
鄭嘉穎1993年入行當歌手，初時以斯文健康形象示人，一副白面書生樣，唱片公司及傳媒亦為其冠以「棒球小子」、「怕醜仔」等外號，後因發展麻麻毅然轉戰台灣，幾年只出過一張唱片。
仲有嘉穎當年同王馨平的一段戀情，若非2012年電影《春嬌與志明》中楊千嬅重提，可能好多人都唔記得咗。
真係唔講都未必記得，其實嘉穎當年是跟隨已故的戴思聰學唱歌，鄭於1992年簽下為期五年抽佣百分之二十的經理人合約外，1993年在戴思職哀求下，再加簽了一份形同賣身契的終身合約，戴思聰後來以三十萬賣了將「鄭嘉穎」售予台灣一間娛樂公司。直至後來成為無綫旗下合約藝員，漸見起色，戴思聰突然向鄭嘉穎發出律師信，通知他要履行賣身合約，當時一面倒力撐鄭嘉穎，覺得他所做的對得起戴思職有餘，最後傳出有人擬為鄭召開聲討大會，戴思聰才肯放棄追數行動。。