【男子召妓被女友抓包! 】给女友的“叫鸡”理由macam yes! 网友：哇，可以学起来了用~

近日網上流傳一段WhatsApp對話，內容大概係男朋友召妓被女朋友發現，於是對方大興問罪之師。但難聽啲講句，呢啲事真係隨時日日都發生緊，今次就特別在男友被踢爆後，竟然打咗一大篇千字文解釋，仲好似勁有苦衷咁，咁就真係要睇吓啦。

少年你太年輕了，女朋友無啦啦咁問就一定係有事，仲死都話無，0分重作。

女朋友發現咗啲咩罪證？原來佢男朋友真係好體貼，召完妓都不忘喺討論區出番個「專業報告」比各位巴打參考參考。但就唔記得logout，咁就出事了！其實學某人，話自己俾人hack咗account咪無事囉！

千字文開始，原來男友話自從女友轉公司後，兩人就甚少親熱，對上一次已係2014年12月23日，即係差唔多400日！真係不得不讚個男友記得咁清楚。 轉公司之後就咁？唔通……

男友先用議論文中常見的比喻手法，話冇得搞就好似屋企冇飯食咁餓足一年，令人無所適從。之後更道出召妓之苦，話一棟大廈有成22層，要搵一個最似女友的姐姐真係好難；而且自己收入又唔多，咁耐以來都「只係」去過四次咁大把(即係平均100日一次？)。最後再反咬女友一口，指對方完全冇尊重過佢想親熱呢個權利！

女朋友理得你咩藉口，總之唔該驗咗有冇愛滋病其他性病先好再講，仲send埋性治療服務的link。點知男友仲反問番一句︰「你真係唔覺你有問題？」 問嚟都多舊魚的……

最後再用一招「以子之矛，攻子之盾」，copy女友條link再叫番對方去醫治性冷感，否則就以後唔好見。最後…… 當然係分手收場，多謝大家收睇。

转载：东方新地