單立文(豹哥)同老婆胡蓓蔚、王宗堯同女友蔡潔、鄧梓峰等噚晚喺尖沙嘴出席《走過披頭歲月》首映，問到豹哥有冇留意老友胡定欣最近同陳展鵬傳緋聞，講到佢哋車中調情暗撻着，豹哥就全程講笑口吻：「冇留意，我係佢老竇，冇聽過佢講，佢唔係依忙緊拍戲咩？忙住拍戲，呢啲嘢都順理成章，你知我哋拍戲嘅rundown幾咁賤格，收0030，開06，點拍拖？」
豹嫂就幫口：「如果佢哋一齊，都係開心事，兩個都單身，靚仔靚女，郎才女貌，拍嘢日日見面。」豹哥企喺隔籬繼續講笑，話定欣係姣婆：「姣婆遇上脂粉客，花好月圓，仲知唔係壞事，你知喺TVB入面產生真正情侶，暗交到明交，入房唔知咩交，跟住香口膠，喺入面揀嘅人，嚟嚟去去都係個啲，塘水滾塘魚，求其搵一個囉！呢啲係我講，知道定欣好忙，佢未拍戲前都會send吓message，呢排就冇聯絡。」
講到咁白，驚唔驚胡說八道班姊妹唔放過你？
资料来源: Rojaklah
Like Viralcham 面子书不出门也能知天下事 > 请点我