【Quintus发高烧入院】 谢霆锋张柏芝团圆！

谢霆锋同前妻张柏芝自离婚后就各自一方，加上双方揾得自己慨另一半，就算有时间都留嚟陪佢哋啦！不过自己孩子有事就唔同讲法！事关细仔Quintus发烧搞到要入院留医，身为父母慨霆锋柏芝同日探病，两人仲喺病房逗留咗半个钟，世纪同场，关系明显有好转迹象添！不过查实二人早前都因为有关报导而出联合声明，今次又系因为儿子缘故再见面，最开心当然系两个仔！

病房共度半小时

难得留港、女友欧游，又撞啱柏芝三母子带仔回流升学，锋芝离婚 4年来首遇破冰良机。月初（6日）为反驳周刊报导，自11年离婚后再度发出联名声明；上周三(12日)，即是《四个小生去旅行》记招谢贤火滚出手掴曾江当日，霆锋静静鸡现身养和医院，探望因为气管问题而发高烧入院的细仔 Quintus。你以为咁就叫慈父？原来都未算！为个仔肯同火沟油前妻同一屋檐下至叫能耐！中午时份，柏芝自驾从梅道寓所赶到医院，呢头上房同霆锋共处，嗰头就见柏芝妈识做落楼，成功争取过气夫妻与 Quintus共处将近半粒钟！

上周三（ 12日），霆锋全日都喺医院陪住细仔 Quintus，认真廿四孝老窦。

拉姑当日夜晚先到医院探乖孙，探完一脸愁绪！

柏芝妈为咗制造机会畀柏芝同霆锋，特登走落楼下食烟，直到收到电话先上番楼㗎！

芝妈识做落楼煲烟

晨早流流入院照顾外孙，适当时候离场为锋芝制造机会，柏芝妈为个女在养和大楼外煲烟煲足半个钟，认真唔话得！芝妈还兴奋告知友人：“佢见到碗叉烧饭几开心吖！”睇嚟 5岁 Quintus病情已经好咗大半，食欲亦都返晒嚟！煲烟吹水直到点半，霆锋离开病房在助手表哥陪同登上保姆车，芝妈才识趣回到病房。不过，两家水沟油又点只霆锋柏芝吖？晚饭后霆锋带着拉姑再次折返医院，今次柏芝一早车埋芝妈离开，又一次避免两位前亲家、及前婆媳产生磨擦。

宝贝仔 Lucas本月初 8岁生日，柏芝为佢大搞生日派对，唔系主角慨 Quintus亦玩得好开心！

王菲孤独庆生

都系为咗搞食搞上瘾，开完曲奇店又搞网购刀具，霆锋为生意难得留港，趁机做孝子，陪8月9日79岁的谢贤切完蛋糕、又再做慈父入院探发烧 Quintus，分身无术难免冷落同样 8月生日的王菲。

复合一年，竟然不在正日 8月8日满46岁的女友身边。好彩大日子有人陪，王菲被发现同闺蜜赵薇带埋囡囡搞亲子团欧游，继生日前后现身巴黎卢浮宫后，最新动向已经同团友移师至威尼斯。个几月冇得见一样自在享受行程，而霆锋又玩紧同前妻大团圆，呢段世纪三角恋，睇怕都有排纠缠！

王菲孖住好姊妹赵薇到法国“湿平”，一张红色松身裙并随即惹来大肚嫌疑。网上图片

王菲带住细女李嫣到法国游玩，顺便庆祝自己 46岁生日，不过同行就唔见男友霆锋踪影。

《12道锋味》节目中，霆锋唔只力sell个人品牌曲奇饼，仲出刀具畀网民选购，好有生意头脑㗎！

单亲游学团

自从 11年柏芝同霆锋两公婆离婚，一对囝囝 Lucas同 Quintus就跟住妈妈做咗游牧民族，一时去加拿大买屋探路、一时又话移民新加坡落地生根，话就话想对仔避狗仔队开心成长，其实咪又系因为父母水沟油、柏芝又同拉姑冇两句！今年暑假三母子回流搬返世纪大厦，表面上话因为成功考入基督教国际学校，实情就系两公婆关系缓和，返香港近爸爸多啲，点都好过一个人带住两个留落异乡！

感情线上

分分合合、结完又离，边个话离咗婚就再冇下文？霆锋同柏芝呢一对，离婚后四年慨感情走势一样贴住大市上落不停！

冰河时期

婚变初期，柏芝分分合合、结完又离，边个话离咗婚就再冇下文？霆锋同柏芝呢一对，离婚后四年慨感情走势一样贴住大市上落不停！

难得在香港，王菲则游欧洲过生日，不在男友身边，而张柏芝也带着2个儿子返回香港，虽然因为Quintus发烧入院，才促成“世纪会面半小时”，但也希望在孩子的润滑下，能让离婚的2人有更好的沟通机会