【演公公一炮而紅!】曹永廉靠乸突圍, 師奶也瘋狂細雞姐! 想不到他竟然在TVB捱足22年辛酸史….

據香港新Monday報導，曹永廉這個名字，細個有電視撈飯的你，一定知佢係邊個，但不經不不覺加入娛圈已22年的他，男歌手、男主角、男配角、客串一一做過，只可惜一直浮浮沉沉，「大紅大紫」與他一直緣慳一面，就連在00年《妙手仁心II》中，因飾演小男人醫生向眾仁，得到觀眾一致認同及讚賞，以為「機會嚟啦曹永廉」，點知得到大家認同但一無所獲，他在訪問曾表示；「心有不甘又可以點？」……藉住最近因新劇《公公出宮》演太監，獲網友like爆這位已50歲但keep到個童顏樣的曹永廉，到底這22年來娛圈路，是如何走過來？

出道前苦練歌喉
94年毅然由sale轉做歌手，在一次歌唱比賽中被發掘加入樂壇，在出道前甘願冇收入下秘密苦練歌藝兩年才正式加入娛樂圈，出過《情深款款》、 《唯一的女神》等5隻唱片當年佢出道。睇翻資料，當年出說時已經約29歲，唔講以為17、18歲。。。有網民更指：「他曾同劉文娟（1989年夢劇院二人組合成員，另一人是李敏）拍MV，當然我感覺係劉文娟拖住個細佬出來拍MV，但原來佢出道時經已三張。」
ps.題外話，曹永廉行內朋友多，不過他表示過跟入行前一同跟戴思聰學唱歌的鄭嘉穎最老死……

95年開始拍劇
不過歌手事業未見起色，接住加入tvb參演電視劇集，第１部作品《 親恩情未了》已做男配角（同劇有魏駿傑、鄭秀文），之後就到《廉政行動1998》。

戶口得番幾百蚊
97年市道低迷，曹永廉直言當時冇job做，戶口由6位數字直插得番幾百蚊。所以當99年凴《雙面伊人》飾演反派而開始令觀衆留意後，有監製找他拍劇，有幾多拍幾多。

向眾仁以為會紅
頭先講過，連曹永廉自己都諗住「機會嚟啦」，《妙手仁心II》的向眾仁會令他成功彈起，他在訪問中曾講過：「向眾仁除了令我多人認同外，套劇播完一樣得個零，冇額外job做，繼續霉落去。」都咪話唔灰。

又再浮沉
《妙手仁心II》蕓花一現之後，繼續密密做，拍了多部電視劇《倚天屠龍記》、《戇夫成龍》，直到《妙心III》出現，曹永廉與邵美琪兩人之間條感情線，令他再受注目，終於等到不少「搵真銀」的機會。

增髮代言
07年等到他第1個位數字的代言廣告——哈佛增髮，之後更密密接多個登台show，接登台show令他最開心的除了錢，更是可以再嚐歌手滋味。

娶姜大偉女
事業起飛，07年更娶拍拖5年多，姜大偉長女姜依蘭。雖然當年外父曾豪氣講過：「禮金可以唔收，但酒一定要擺。」被指0蚊娶老婆……不過曹永廉一於少理，一直同老婆sweet 到而家！

密密做創業
曾經走過人生低潮，自爆過有人找過他拍III片，又話過想做番sale，最後諗通，決定密密做，密密拍，更試過與友人合伙投資「茶記冰室」、火鍋店等等，養得起屋企，有屋仔、車仔、BB仔、老婆仔已經好滿足。

演公公上位
事隔又幾年，曹永廉不再求男主角、代表作，只係密密接劇，多勞多得，直到最近新劇《公公出宮》，做乸型公公入型入格，網民like爆之餘，更指他絕對值得攞最佳男配角。

高登改圖
題外話，講起曹永廉，一google就會出現「高登」二字，其實他都有將經典改圖，來自高登五條經典IQ題的答案：「因為有一日曹永廉係梵蒂岡見到一個叫小明既守門員揸住部榨汁機跑得好快」……明就明，唔明就明，唔好explain咁多。

經典歌：
最後，為大家送上幾首曹永廉的經典歌，情深款款架～～～

资料来源：新Monday