據東方新地報導，熱播中的台慶劇《 致命復活 》，劇情講述郭晉安飾演的韋逸昇在越南公幹期間慘被綁架，被困在荒島山洞十年。雖然最後成功逃出生天，不過回港後卻發現自己被綁架一事絕非意外，而是有幕後黑手設局陷害！於是觀眾們齊齊化身偵探，每晚陪安仔推理真兇是誰，但安仔身邊人個個各懷鬼胎，幕後大奸角到底係邊個？
被困山洞十年
《致命復活》講述安仔係一名企業醫生公司的掌舵人，專為其他公司解決經營上的問題。一次安仔與下屬王浩信及陳庭欣到越南平息一宗勞資糾紛時，三人卻因得罪當地犯罪分子而被綁架！最後王浩信逃脫、陳庭欣慘死，而安仔就被困在山洞中，過着野人般茹毛飲血的生活逾十年！
安仔回到香港後患上創傷後遺症，不時會想起在山洞不見天日的日子，不時出現幻覺及發惡夢。另一方面，摰愛的老婆萬綺雯已改嫁黃德斌，兒子視自己如陌生人，連公司也被拍檔吞併！由天之驕子跌入谷底，安仔誓要搵出幕後黑手！
最毒婦人心 萬綺雯
有言「黃蜂尾後針，最毒婦人心」，大部分觀眾都覺得安仔老婆萬綺雯肯定有陰謀！動機有二，首先可能係為高額保險金而囚禁安仔，另一個原因就係報復老公出軌！因為後續劇情會重提安仔偷食同事陳庭欣一事，而陳庭欣更曾向萬綺雯展示自己與安仔的床上纏綿照，想逼走正印，萬綺雯當然嬲爆！一個女人可能做唔到咁大件事，不過如果有在青梅竹馬的黃德斌相助，咁就有可能啦！
另外亦有觀眾指出，從一開始安仔到越南出差，就好似預計到老公會出事，緊張到杯都差啲打爛，仲唔係有古怪？
為愛犧牲 黃德斌
黃德斌飾演的林浩仁，與萬綺雯飾演的阮喬自小在越南的孤兒院一同長大，相識逾三十多年。雖然男方一早有意，不過萬綺雯後來卻愛上安仔，與其結婚。一直妒忌安仔的黃德斌，當然可以為奪回所愛而不惜做錯事。
不過回想第一集，黃德斌為救被捉走的萬綺雯，一個人猶如「Rambo」般深入虎穴一個打十個，最後更因左腳中槍而要截肢。之後佢雖然同萬綺雯結婚，不過後來安仔歸來，佢亦機會安仔與老婆破鏡重圓，經驗犧牲自己成就他人，應該唔會係壞人… 好似係。
似有陰謀 張國強
正所謂「大膽假設，細心求證」，有觀眾懷疑安仔劇中的公司拍檔、飾演CK的張國強相當有可疑！因為據當初劇情講述，去越南公幹一事本來係由張國強負責，不過佢就臨時要做「通波仔」手術，最後變了由安仔代替， 後者一去便是十年。而安仔失蹤十年間，張國強理所當然地接收晒對方的公司股份，懷疑佢都好合理！
不過隨劇情發展，安仔與張國強反目，而且令對方心臟病發，導致下肢癱瘓！如此看來，張國強似係受害人多於幕後黑手？
扮豬食老虎 古明華
其實仲有一位經常出現在安仔身邊，但感覺上毫無殺傷力的人，佢就係飾演安仔胞兄韋逸隆的古明華！原來隨劇情發展，安仔會發現古明華其實有着不可告人的秘密，係自己在越南被綁架的關鍵！到目前為止，古明華在劇中都表現得相當懦弱，對住老婆頭耷耷，係個十足十的老婆奴。
其中一張劇照中可見古明華拿起一枝粗大木方，將一個人打至頭破升血流都仍未收手，表現得相當兇殘，背後肯定唔係咁簡單！
全文完