由王浩信、蔡思貝、 李佳芯 (Ali)等主演的新劇《踩過界》上星期出街,顧名思義內容亦「踩過界」!繼上星期Ali夜蒲畀仔圍同水晶梨譚凱琪全裸表現人體藝術外,今星期食住個勢繼續爆落去,今次主角就係形象清純的「馬子妮」 蔣家旻 ,同許家傑大玩SM!

李佳芯 學生妹變夜蒲女神

上星期先有Ali着住灰色校服扮學生妹,紥起馬尾,清純氣質出晒嚟;轉過頭就化身夜蒲女神,換上紫色貼身迷你裙橫行夜場,身邊男士團團轉!睇到觀眾眼定定!

 

譚凱琪做「雞」

今個星期譚凱琪仍然全裸示人,展示佢的人體藝術,身上寫住「唔知醜」、「cheap」、「賣弄色情」等字眼,不過最出位莫過於額頭上寫住簡體字「雞」!加埋紅色燈光,表現緊佢心中的無聲抗議。呢 一幕譚凱琪做得入形入格,神情憂鬱,全身郁都唔都,深情表達聲嘶力竭的吶喊,絕對係佢從影以來意識上最大膽的一次演出!

蔣家旻 被禁錮玩SM

之後劇情去到另一單案件,就係講飾演「啤酒妹」的 蔣家旻 ,受到許家傑飾演的闊少金錢誘惑,去到大屋「playroom」玩,殊不知一開門就見房內擺放住各式各樣的SM刑具,想走時已經太遲,更被對方禁錮咗成個月!劇集玩SM雖然重口味,賣肉程度就仍然保守,全部都係着住衫,馬子妮最多只係以背心演出。

SM不是第一次

其實 蔣家旻 唔係第一次係大螢幕上畀SM,係2013年蔣家旻主演的電影《第一次不是你》,佢飾演一名援交少女,為需要急錢換腎的媽媽賺錢,咁啱又遇上一班玩SM的客人,將佢搞到傷痕累累。唔知TVB係咪睇中蔣家旻有呢方面的從演經驗,特登叫佢再演多次呢?

来源:东方新地

 

Like 玩嘢兄弟团 Facebook!带大家玩翻全马high翻天~❤

Like Viralcham 面子书不出门也能知天下事 > 请点我