星期日晚的第七集《城寨英雄》可算係播出以來第一個高潮！不過並唔係兩大主角陳展鵬及袁偉豪有咩驚天對決，而係林穎彤飾演的鑫鑫慘死！劇情講到鑫鑫再被爛賭父出賣，最終被惡霸輪姦至死，睇到觀眾勁心痛！而鑫鑫之死激發刁蘭(胡定欣飾)變回武功高強的殺手，將壞人殺光。而刁蘭到底係咩人？昨晚一集揭盅！
劇情講到鑫鑫死後，一眾傷心的街坊在街邊路祭，大家既感到可惜，同時對鑫鑫的父親爛賭發恨之入骨！
刁蘭視鑫鑫如同親妹，依然未能接受對方已死的事實，所以冇隨同大家路祭，一人躲在理髮舖。牙佬(袁偉豪飾) 知道前往探望，並幫佢按摩頭部，希望令佢放鬆。
刁蘭返到屋企後回想起小時候的遭遇，原來佢從小就被訓練為一名殺手，如果想食飯就先要殺人！難怪佢武功高強、而且殺人不眨眼。
痛苦回憶實在不堪回首，可以的話刁蘭當然唔想再記起，佢仲講咗句「果欄嗰日嘅事，我都唔記得」。咁即係話佢其實一直都冇失憶，果欄開殺戒一事佢亦記得清清楚楚，只不過係試圖忘記過去係殺手的身份，繼續以「刁蘭」生活下去？
及後劇情講到柯德莉(劉佩玥飾)在城寨教義學時，得知學生午餐份量不足，餓到冇曬精神上堂，於是佢就去買砵仔糕請全班同學食。點知學生一食完即時口吐白沫，診斷後發現砵仔糕中混有白粉，學生中曬毒！
德莉即刻去搵砵仔糕老闆楊竹鑾(歐瑞偉飾)算帳，其後佢終於承認自己替福壽金(林偉飾)運白粉，不過係對方以夥計的生命要脅，佢先被逼就範，佢現在亦因害了學生後悔不已。
畢得了(林子善飾) 為替兒子籌募醫藥費，決定與葉輝(陳國峰飾)參加黑市拳賽以獲得二百元獎金，仲呃老婆話自己係中咗字花。
但得了後來知道拳場對手乃一流高手，上場必死無疑，於是去求柯萬長(張國強飾)讓佢退出比賽。點知對方唔答應，更盡情羞辱佢一番，話就係想睇佢俾人打死！
幸好葉輝及時搵來牙佬及拳佬，兩人代替得了上台比賽！
资料来源: 今日热点