無綫劇《城寨英雄》劇情愈來愈緊湊，吸引觀眾晚晚追看，但其實劇集播出至今留下唔少謎團仍未解開，如當年在獄中襲擊朝猛山的三人到底係邊個？段通天到底被誰所殺？而左勾拳失散的妹妹到底是生是死？《新地網》現為大家拆解《城寨英雄》中八大謎團，等大家可以更清楚劇中故事的來龍去脈，以及眾人千絲萬縷的關係，睇得更投入！
謎團(1)
段通天(袁偉豪飾)當年為何出手殺視如兄弟的朝猛山(陳展鵬飾)？
更多劲爆文章：
【大马艺人和网友最近为了这个Game全部都疯狂了!】更劲爆的是竟然可赢取任吃任喝的免费BBQ Party! 每个人狂做表情原来就是因为它~
在1945年，通天和猛山二人因八極功夫而不打不相識，成為好友互相關照。可惜好景不常，一場火災便拆散二人大好家庭！火災時通天主動入火場救人，猛山見其久久未歸，於是進入火場視察。始料不及被通天襲擊，二人打起上來，通天招招攻其要害，猛山迫不得已還手，並欲以絕招「猛虎硬爬山」制止通天。
但猛山未落手，通天已噴血身亡，事情曲折離奇，原來全是三人惡霸柯萬長、馮春美和福壽金搞鬼！馮春美將通天打至重傷，而福壽金則向通天落毒，令其產生幻覺，繼而發狂攻擊朝猛山，慘令段朝兩家分裂，城寨從此成為罪惡城。
謎團(2)
在獄中偷襲朝猛山的三人到底是誰？
呢個問題大家每晚睇劇時都會見到，其實答案呼之喚出，三人就是當年未成為城寨主人的柯萬長、馮春美和福壽金。當年城寨未成罪惡城，只因有段通天保衛，後來再多個朝猛山，三人均認為他們不得不殺，以免礙事，故將他們分化。原本猛山主動走出城寨投獄，希望警察可以查明真相，可惜三人早已在獄中守候，並用猛招襲擊猛山，藉此滅口。
謎團(3)
段迎風阿叔(王梓軒及何啟南分飾)到底係咪奸嘅？
如觀眾所見，牙佬阿叔段折韁絕對是懦夫，雖然有一身好本領，但卻因怕事拒絕加入師兄弟團隊保衛城寨，又唔俾牙佬參加拳賽。回想第一集，其實佢當年眼白白在火場睇住兄長段通天與朝猛山打鬥，但佢因為怕事袖手旁觀；而且佢目擊朝猛山尚未落手，段通天已經噴血身亡。佢早知道段家被陷害，卻埋沒良心唔出聲。
更多劲爆文章：
【大马艺人和网友最近为了这个Game全部都疯狂了!】更劲爆的是竟然可赢取任吃任喝的免费BBQ Party! 每个人狂做表情原来就是因为它~
唔講出事實都算，佢更誣陷朝猛山係殺兄兇手，之後仲帶晒一班兄弟去朝家復仇，連小朋友都唔放過！後來朝家兄妹雖然逃脫，不過朝猛山夫婦就被眾人毒打至死。
謎團(4)
邊個係拳佬失散的妹妹朝霞？
雖然唔少觀眾都估刁蘭(胡定欣) 就係拳佬失散的妹妹朝霞，不過按照大台劇情發展，拳佬刁蘭最後肯定會成為一對，所以唔係刁蘭！其實索爆舞廳大班花曼(王君馨飾) 先係如假包換的朝霞，佢當年與哥哥失散後被賣到妓院做妓女，多年後成為脫衣舞團領班。花曼在江湖打滾多年，擅於利用美色、手段接近男人。今次回歸城寨，除了想搵番哥哥，亦想查明當年段通天被殺的真相。
謎團(5)
花曼財力同功夫都一絕？
更多劲爆文章：
【大马艺人和网友最近为了这个Game全部都疯狂了!】更劲爆的是竟然可赢取任吃任喝的免费BBQ Party! 每个人狂做表情原来就是因为它~
花曼每次出場都係風情萬種，冶艷神秘，一把長曲髮加烈焰紅唇，而且晒胸又晒腿，絕對係剛陽味重的《城寨英雄》中最索角色！劇中花曼富可敵國，幾乎與柯萬長不分上下，之前見到佢隨手可以拿出大量金錢下注賭博，又可以將一大疊錢拋俾道友便可見一斑。腰纏萬貫，相信係因為佢多年在江湖打滾，賺男人錢可說係易過食生菜！
另外，雖然花曼暫時在劇中只係輕露兩手，但其實其八極功夫高超，在牙佬及拳佬之上，強如馮春美都唔係佢對手！相信隨劇情發展，將會有更多花曼顯功架的場面！
謎團(6)
劇中究竟邊個係隱世高手？
劇中莫說牙佬、拳佬、龍成虎和三位黑幫大佬識功夫，連賣生果零食的泰婆(元秋飾) 都係詠春高手、理髮店老闆刁蘭(胡定欣飾)和脫衣舞廳大班花曼更是武藝超群！一街都是功夫人，到底邊個最好打呢？其實花曼的八極功夫至到家，甚至能砌低馮春美，不過講到隱世高手，竟然是柯萬長！柯萬長集集出場都係西裝骨骨，暫時未有表露功夫底子，但實情佢係絕世太極高手，武功深不可測，馮春美及福壽金都遠不及佢，相信牙佬和拳佬二人合力都不是其對手！
謎團(7)
《城寨》是無綫少有的硬橋硬馬功夫片，幕後功臣係邊位？
無綫唔係冇拍過功夫劇集，不過過往作品都不及《城寨英雄》 般視覺效果凌厲，原因係《城寨》請來國際級武術指導郭振鋒(郭追)師傅襄助！郭師傅在邵氏年代跟隨張徹導演出道，80年代開始武指生涯，曾與吳宇森、徐克和程小東等大導演合作無數，90年代開始進軍荷李活，曾擔任《新鐵金剛之明日帝國》武術指導，今次無綫邀得郭師傅助陣，與演員擦出唔少火花，拳拳到肉的真功夫令觀眾睇得暢快！
謎團(8)
點解街坊明知城寨危險又複雜都唔願離開？
九龍城寨號稱「三不管地帶」，即中國政府不管，英國政府不管，香港政府不管，於是成為罪惡溫床。生活咁艱苦，點解劇中班街坊唔搬走呢？係因為當年城寨中很多居民係從大陸逃難到港，雖然話係難民，其實當中不乏擁高學歷的知識分子，但來到香港淪為難民。那些所謂的高學歷在香港都不被認同，根本考唔到牌，所以唔少難民在無得揀下，唯有屈就在城寨做黑市醫生、牙醫等等 。而該處又屬於貧民窟，居民大多屬於低下階層，根本無打算離開。
全文完
更多劲爆文章：
【大马艺人和网友最近为了这个Game全部都疯狂了!】更劲爆的是竟然可赢取任吃任喝的免费BBQ Party! 每个人狂做表情原来就是因为它~
来源：东方新地