無綫節目巡禮今日喺會展舉行，一班靚女花旦扮到靚一靚，齊齊冧客戶！當中最吸睛嘅，可以話係蔡思貝，今晚蔡思貝罕到谷到盡，夾足4吋事業線，真係睇到人嘩嘩聲呀，簡直係全場焦點！事後問到蔡思貝有冇做足安全措施，佢話：「吊威哋都得呀！」着到咁性感嘅佢同唔少客戶合照，問佢擔唔擔心蝕底？思貝表示：「唔會啦，客戶都好有熱情同有禮，無問題。」
蔡思貝真係冇得輸！
飲埋香檳。
不得了！
真係勁吸睛。
同樣將上圍谷到盡嘅傅嘉莉，同蔡思貝一樣出動「私伙」衫上陣，佢話睇場合嚟着裙。問到在新劇《乘勝追擊》中同陳山聰有唔少親熱戲，傅嘉莉話：「係呀，都好多呢啲激情戲，拍嘅時候，大家事前都溝通交流得好好。」
傅嘉莉谷到盡。
畫面震撼！
而人妻方面，陳自瑤同林夏薇都着得好性感，呢輪成日騷身材嘅陳自瑤今日再賣「大包」益街坊，佢以黑色晚裝上陣，晒出強勁事業線，林夏薇就以中性打扮現身，佢大玩透視誘惑，事業線若隱若現！
人妻陳自瑤好SEXY！
小花方面，朱智賢、陳婉衡、陳芷尤、孫慧雪都齊齊拋胸上陣！十優港姐麥明詩就透視look上陣，大騷好身材。而「咪神」張秀文都不負眾望，谷出最強胸器！
朱智賢（左）、陳婉衡
陳芷尤、孫慧雪
麥明詩
今屆港姐蘇韻姿。
張秀文不得了！
Sexy！
资料来源：东网