《城寨英雄》開始進入高潮,段家一班師兄弟慘遭滅門,final boss楊老闆同張頴康飾演嘅殺手開始行動,對付福利會。全城瘋狂估緊幾個主角究竟有乜下場,原來除咗拳佬會因頭部重創變盲佬,花曼亦慘被殺手組織殺害!而重新做人嘅龍成虎,同樣都要死!

貓仔26集死

伍允龍飾演嘅貓仔龍成虎,同柯德莉開始發展戀情,又開拳館授徒,重回正軌。但據知貓仔最後會同final boss、即係砵仔糕店老闆楊竹鑾對打,武功高強嘅貓仔竟然唔夠打,最後慘死楊竹鑾手上!最慘情係貓仔死前已向柯德莉求婚……

 

花曼25集死

貓仔慘死,做回朝霞嘅花曼亦劫數難逃。已決定嫁俾牙佬嘅花曼突然被殺手組織追殺,雖然拳佬後來趕到幫手,但最終都救唔返重傷嘅細妹!

拳佬堅變盲

痛失細妹嘅拳佬,更因為同殺手組織交手被重創頭部,慘變盲佬!至於有份害死朝猛山夫婦嘅刁蘭,為救柯德莉而身中劇毒,但最後亦會晌大結局親自上場與final boss對決!

 

全文完

 

來源:東方新地