《幕後玩家》黃翠如火辣歎「水中蕭」

台慶劇《幕後玩家》早前講述Ted(陸永飾) 因患愛滋而厭世跳樓，睇到大家勁傷心，不過話咁快就被 黃翠如 及蕭正楠搶去風頭！昨日播出的第29集中，竟然出現一場翠如BB與蕭正楠火辣鴛鴦戲水的出浴戲份，絕對是翠如BB從影以來最大謄、露得最多肉的一次，睇到觀眾眼都凸埋！

離婚前夕

劇情講述翠如BB及蕭正楠兩公婆感情漸趨破裂，翠如一早打算離婚，不過仍希望在分開前留下最美好的回憶，所以就決定郊外玩番日！兩人在南生圍踩單車、釣魚、野餐，重拾昔日拍拖甜蜜的感覺，之後仲齊齊返酒店睇日落。臨別秋波，戲肉現在先開始！

翠如BB闖浴室

鏡頭前本來只有蕭正楠赤裸上半身沖涼，之後疑似全裸的翠如BB突然拉開浴簾，仲露出一個好嫵媚的笑容，之後就一發不可收拾，濕晒身又攬又咀！兩人呢場戲表現得相當投入，好似世界得番佢哋兩個，非常火辣香艷！相信平時做慣做熟，先拍得出呢個效果？

咀到要扶牆

有眼利觀眾更發現兩人咀得超投入，蕭正楠更失重心企唔穩要扶牆借力，可能翠如BB實在太索，連蕭公子都腳仔軟！唔知平時翠如BB係咪咁主動㗎呢？

真正的玩家

不過激情戲過後，蕭正楠一早醒來發現翠如已然離去，留下的只有結婚戒指。其後翠如BB的電話留言，指出兩人的步伐愈來愈遠，繼續在一起只會有更多磨擦，所以做出個好自私的決定，正式離婚！可憐蕭正楠以為度過溫馨的一晚後，兩人可以重新開始，誰不知竟是最後一夜！

之後兩人一齊拎住電話爆喊，好多觀眾都話睇到好sad，大讚兩人的演技有進步！

资料来源: 新地
Like Viralcham 面子书不出门也能知天下事 >